PROSEDURA DI KEHÓ

Elephants Family

Na Elephants Family nos ta mira kada kehó komo un punto konstruktivo di mehorashon i un oportunidat pa skucha nos mayornan, resolvé problemanan i kontinuá mehorando nos servisio. Nos ta trata tur kehó ku respet, diskreshon i seriedat.

E prosedura aki ta apliká na tur nos lokalidatnan:

• Baby Elephants Village

• Elephants Daycare Tera Kòrá

• Elephants Splash Education Yato Baco

• Elephants Splash Education Totolika

• Elephants Splash Education Falkon

​

1. Kon bo por entregá un kehó

Un mayor por ekspresá un kehó verbalmente na e lider, Teamleider, manager òf na e doño di e lokalidat.

Pa un kehó formal, e mayor por yena e Formulario Formal di Kehó di Elephants Family, ku ta disponibel online via un link. Despues di yena i enviá e formulario, Elephants Family ta risibí e kehó inmediatamente pa por kuminsá ku e tratamentu di e kehó.

E formulario ta permití ku e mayor por deskribí klaramente e kehó i duna tur informashon relevante.

Tur kehó formal ta wordu registrá i trata ku konfidensialidat.

​

2. Kon nos ta trata e kehó

Despues di risibí e formulario, Elephants Family ta:

• Registrá e kehó;

• Skucha e mayor;

• Investigá e situashon;

• Papia ku e personanan envolví;

• Evaluá e informashon;

• Disidí kua akshon ta nesesario.

E persona kontra ken e kehó ta no ta responsabel pa investigá e kehó.

​

3. Reakshon i medidanan

Nos ta hasi nos máksimo pa trata e kehó denter di 2 siman.

E mayor ta haña un reakshon tokante e resultado i, si ta nesesario, kua medidanan Elephants Family ta bai tuma.

4. Si bo no ta satisfecho

Si bo no ta satisfecho ku e manera ku bo kehó a wordu trata, bo por elevá e kehó na e siguiente nivel:

Lider → Teamleider → Manager → Management Team di Elephants Family

4.1 Nos no a resolve e problema/situashon?

Ainda nos no a resolve e problema/situashon? Komo mayor, pa konseho independiente, yudansa i intermediashon den kaso di keho bo por akudí na: Na Boneiru: Sentro Akseso, tim kalidat di kuido Akohida di mucha (+599 717 7300)

5. Maltrato òf abuso

Kehónan tokante sospecho di maltrato, violencia, negligensia serio òf abusu seksual ta wordu trata inmediatamente i segun e obligashonnan legal i proseduranan aplikabel.

​

Kompromiso di Elephants Family

Elephants Family ta kere den un relashon di konfiansa, komunikashon i kolaborashon ku mayornan.

Nos ta mira kada kehó komo un punto konstruktivo di mehorashon. Kada kehó, remarke òf sugerensia ta yuda nos siña, mehorá i sigui garantisá ku nos muchanan ta haña un ambiente sigur, stimá, profesional i di kalidat.

Nos ta gradisí tur mayor ku ta tuma e tempu pa kompartí nan preokupashon, remarke òf sugerensia ku nos.

Elephants Family

Nos ta trata nos muchanan ku hopi amor, kuido i kompromiso.

Fecha di entrada na vigor: 9 di Sèptèmber 2026

Periodo di evaluashon: Kada 6 luna